العودة   منتديات المملكة > المدينــــة الترفيــــهيـة > مدينــــة الصرقــعـة والألغاز
الإهداءات

مدينــــة الصرقــعـة والألغاز الرجة و الضحك و الهبال والألغاز , لجميع المسابقات, علميه , ثقافيه , ترفيهيه , وألعاب مسليه , و الفكاهه و الفرفشه و النكت .

إضافة رد
 
أدوات الموضوع تقييم الموضوع انواع عرض الموضوع
قديم منذ /09 Feb 2004   #1

ألريم
][:: مواطن نشيط ::][

ألريم غير متصل

 رقم العضوية : 555
 تاريخ العضوية : Nov 2003
 المشاركات : 560
 النقاط : ألريم نشيط ومبدع
 MMS :

افتراضي احمر خكر زي القمر في سوق الغنم...الريم

هذا الموضوع تراي متحمسله بزود وأبي اسطره ..... 1
هذا الموضوع تراي متحمس معه مره وامي اسطرها ... 2
( دايم البدايات صعبه )
هذا الموضوع تراي متحمس معه من مده ولو الود ودي أسطره بس قلت الموضوع قوي ويبيله دراسه وافيه وكافيه بمعهد ( قوم وجدي: ) < == ( مفهوم قديم للخكنكر ) يعني عشان أنا اكتب هالموضوع رحت لعيادة أسنان مقابل حديقة الفوطه وركبت سن ذهب ثمن رحت للبطحا وشريت لي كم ساعه حمرا وكم دبله حمرا وقطامه حمرا عشان أشرّم طرف لساني لأني لازم أرخي الراء واللام عشان لين قلت مثلا خروف ماتسمع الراء كنها كنداسة ونيب ، لا تسمعها فري سمووووووث وناعمه وطريه ورقيقه على المسمع زيها زي فوط مغسوله بداك زيت الغسيل الذي يزيد من نعومتي نعومه .
المهم اني صرت يااااي بالعربي ، وأخيراً صرت ياي < -- ( فرحان ) وانتم لازم تتعودون علي كذا ، وش أسوي ياربيه معدبي زي أول ، معد أتحمل الشمس وحرارتها ( < -- الراء زي ما قلتلكم فري سمووووث ) وعوادم السيارات في الطرقات تعدم بشرة وجهي ( تكفى يالجبنه ) ولا عاد أتحمل الازعاج وصرت اتحاشى اركب توبيس خط البلده الا من 12 الليل وفوق وصرت أتحاشى اني اشوف مسلسل سالي أنها تفجر مشاعري وتعيشني في جو كئيب لمدة سنه ووويقضى الكلينكس من السوق ( خاصة الاحمر ) من كثر الدموع التي تفيض من بئر عينيا ( ركب سواني على خدودك يالمالغ وارتح ) ، وصرت أتحاشى ( تتحاشى ولا تتبعّر محدن درا عنك يالسفوف ) أتحاشى أشوف سانشيرو لأن فيه عنف كتير بالمره وطقاق كتير بالمره وتقبيص يوجع مشاعري ... والموت ،الموت ،موتي اني أشوف فلم لتوم كروز ياااي يقهرني هو وعيونه اللي تقول فناجيل وهو وجبهته اللي ماطقها الشاكوش ، ول الله يقهره في نفسه هو وشعره جيت أخربطه قام يخربطني .
في يوم من الايام نادتني أمي وقالتلي :
- ياوجدي ... رح سوق الغنم وجب لنا طلي عندنا عزيمه .
= بس أنا ما أعرف أسوق ياماما .
- لا حول ، أقولك رح لليورمارشيه الغنماتي وجب لنا خروفي ياحبييبي الله يخلف على امن جابتك .
= طب يا مامي وش المواصفات ؟
- جب لنا طلي مقرون وانا امك .
= يااااي يمه مقرون حلو والله

وانا اللي أروح وأدق على صديقي خالد وأقوله اننا نبي نروح سوق الغنم جب الونيت وتعال لأني خابرك يالخايس تفهم في الحيوانات وعندكم جوز كناري وكلب بوليسي .
ودخلت غرفتي ابي أكشخ ولبست سروالي الاحمر وبنتلوني الاحمر وبلوزتي الحمرا وشرابي الاحمر وجزمتي الحمرا اللي فيها خط أحمر ونظارتي الحمرا ويوم أطلع من ماي روم ( حجرتي ) وأصك بابها الحمر الا وهذي امي تطالعني من فوق لتحت وتقول معد باقي الا تقول ( اشرب شاني علشاني ) وتسطرني بذاك الطراقين لين قلبت خدودي حمر وضحكت وقلت واي ياااي شكراً حياتي هذا اللبس الرسمي هذا المطلوب ، ومديت يدي لجيب البنطلون الاحمر وطلعت علبه حمرا وفتحتها وطلعت منها قرطاسه حمرا فيها علك أحمر وحطيتها في بوقي ( يعني ثمي .. فمي .. أوف مي off me ) نطا .. نطا .. نطا .. نطا ... نطا ... ( < -- صوت العلكه (المستكه ) ياحياتي ، تفففففففففففففففففففففففف ( < --- تفيخة العلك حمرا كبيره ، ناظرتني امي بعيونا الحمر المستشرّه وصكتني بطراق على خشتي لين أنفقعت البلونه ( التفيخه ) وصار وجهي كله أحمر ، مشيت من عندها وانا شاق الابتسامه على محياي خمسه شبر من ذا ليذا ، الله يقطع سواليفتس يامي العزيزه .
ركبت السياراه مع خالد وقلتله سوق الغنم ياحمار بنشري خروووف مزكش كذا (قلتها وأنا ضام أصابع يدي وأبوسها ) ، يوم وصلنا سوق الغنمات يااااي كله غبار ومافيه الا دور واحد ولا فيه ولا بلاطه ، وقفنا سيارتنا في المواقف ونزلت أنا بطلتي البهية وقلت اسمع ياخالد مع احترامي لخبرتك ياخالد اسكت وخللك وراي أنا ابدور واحد خروف مزركش حسب المواصفات حقت امي . درت في السوق ودرت ودرت وكل مامريت من عند خرووف يقول امباااع فزقلبي من الخوف واستحيت ( < -- رقيق ) . ودرت ودرت لين تعبت وانهد حيلي وانقطع نفسي وجاني ابوزليغه ( مرض يصيب المشحمّين علاجه بالتشحيم ) . قالي خالد وشفيك وقفت الحين بالله اخلص علينا . قلتله ياخلووودي ياحبيبي أنا ابي أشوف خروف واحد بس له حواجب ومالقيت والمشكله امي تقول جب واحد مقرون . قال مقرون يالدبشه يعني خروف له قرون زي هذا ، وقعد يأشر على خروف حولنا وله قرون ويقول ( امبااااع ) قلت أنا ياحسافه أمباع خلاص فاتنا .
قال خالد امش امش امش فشلتنا .. شفتا ذاك الرجال الطويل اللي أصابع يديه تقول بنادق صلب ( مع التحيه للطويل صديقي ) شكل عنده خروف(ن) طيب امش نروحله ، ويوم وصلنا عنده لين االرجال طويل وشين وأنا حالف ياااااااي ما أشتري من وواحد شين زي كذا ( الحمد لله أقول اعقل )
= قلت: بكم هذا ؟
- قال: شدها .
= ايش هي ؟ .
- أبك شدها (وهو يرز يده في وجهي ).
= ياااااي ضب ( أحسب يده ضب ).
- شدها وقل مدها وعطني يدك .
= بس فيه وسخ ياحمار ياغثيث ياااي تلعب علي ، بكم هذا أقول ياولد ؟
- قال لعيون تنوخ مدينه أنت تامر وحنا نطامر يالمزيون . < -- خق مع الاحمر
= أها بس طامروا عليك سبعه سكن ثامنهم سكنيه يالمخيس انت ووجهك الطويل اللي تقول خلاط مولينكس . ( ياااي ) . بكم الله يلعن امك ؟ خربت .
- قال 511 .
= وين ياعمي خروف عبّارتين أحمر. . وبعدين هذا السعر بالاكسسوارات يعني بالقرون ولا تلعب علينا ؟ وعلى شرط انه مايقول ( امباااع ) وان كانه امباع ندور غيره ياخوي مانبي حق الناس . وبعدين نبي خروف ذكر ما نبي خروفه انثى يعني ترانا بناخذه للحفره نفحصه انت وشنبك اللي كنه فحطة تريله .
قام ذا المهبول وفق فم الخروف ورفعه في وجهي وقال :
- ابك ذا جذع جذع .
= جذع والله يهبد دمجك . لا تستعبل أقول ما باقي الا القط الخروف الشفه بعد ياللي ما تستحي نزله نزلوك من سابع سما .

التفت على خالد وقلت يالله مشينا ندور غيره ، شف ذاك الرجال الدب الاسود خلنا نشوف خروفاته .
يوم وصلنا عنده لينه دوووووب وشين وأسود ويدينه قصيرااات تقول ظلال فروه . قال الرجال :
- هلا هلا هلا أرررحب يالمزيون ياأحمر اللون .
= أها بس اقطع واخس ماعندك خروف مستصح خدوده حمر ونضيف يالعبد .
- خذ هذا .
= بكم ؟
- ببلاش ياشيخ اروح خرخر معك انا . وجته حلة هيجان وهو يناظر فيني وفصخ ثوبه وفنيلته وقام يلطم في صدره ويصفق في وجهه ويقول ياويح حالي ويحا ويغني ياليت سوق الغنم يفرش حرير .... وأنا اناظر فيه وأقول في نفسي وع خلق الله حسن ، أعوذ بالله كنّه غوريلا طاقها صلع .. الحمد لله رب العالمين .

المهم وأنا أمشي في السوق وأناظر يمين ويسار وفي البراحات والطرقات وتجمعات الغنمات شدني ذاك الخروف اللي اللهم صل على محمد ،خروف حلووووو لونه أحمر وقرونه منكله وجايه على نفس تنكيلة مقادمه وله غرة على راسه وعيونه مكحله وناعسه تاخذ العقل ورموشه طوال والخشم سنع . ودلوع يقول : امبا امبا امبا حى صوته فيه بحه ، حسيت انه خروف ناس على مستوى يوم شفت فروه جاي مخصّر على جسمه ، ويوم أقفى من عندي وأناظر من ورا لين مكتوب ( ادلع ياكايدهم خليهم يشوفونك ) قلت : بس هذا الخروف ماشالله .
أقوووووووول خلوووووووووووووووودي ركبه السياره ومشينا للمسلخ .
ويوم وصلنا للمسلخ لين يااااي الموضه هنناك دم أحمر يااااي أحب اللون الاحمر .
المهم قلت للخروف انقز من الشنطه بالله خلنا نقشرك ويوم وصلنا انا والخروف عند باب المسلخ لين فيه موظف معه جهاز لاسلكي قالنا اتظروا ثمن قال موقف رقم ( 7 ) < -- ( متعود على جمارك الجسر ) .
يوم وصلنا عند القصّاب نقز الخروف على كرسي عنده وقال : دقن الله يخليك ( يلعن ام الخروف رايق يبي ينعم قبل لا يموت ) ومسكه ذاك القصاب المتبجد مدحدح مدبدب من اللي طاليح عليه مكيف مسكين وأختفت رقبته .
المهم انه الشقردي مسك الخروف وفرك وجهه في البلاط لين طلع منه ياااي دم أحمر جا على جزمتي الحمرا ولا أنتبهت لأنهم نفس اللون ويوم سلخه يااااي لحمه أحمر وقطعناه وكلناه وبالهناء واالشفاء سيدتي .
تحياتي وأشوواقي الحمرا لفريق اللحسه في مخي ...

منقووووووووول

اختكم الريم








  رد مع اقتباس
قديم منذ /09 Feb 2004   #2

القنـــــاص
[مواطن في قائمة الشرف الذهبية]

القنـــــاص غير متصل

 رقم العضوية : 154
 تاريخ العضوية : Jun 2003
 المكان : السعودية - الرياض
 المشاركات : 7,161
 النقاط : القنـــــاص القنـــــاص القنـــــاص القنـــــاص القنـــــاص القنـــــاص القنـــــاص القنـــــاص

إرسال رسالة عبر مراسل MSN إلى القنـــــاص
افتراضي

ههههههههههههههههههه
يعطيكي العافيه الحمرا الريم
هههههههههههه
القناص








التوقيع
  رد مع اقتباس
قديم منذ /11 Feb 2004   #3

ألريم
][:: مواطن نشيط ::][

ألريم غير متصل

 رقم العضوية : 555
 تاريخ العضوية : Nov 2003
 المشاركات : 560
 النقاط : ألريم نشيط ومبدع
 MMS :

افتراضي

الله يعافيك القناص ومشكوووور على المرور والرد..

اختكم الريم








  رد مع اقتباس
قديم منذ /12 Feb 2004   #4

MTmaDy
][:: مواطن برونزي ::][

MTmaDy غير متصل

 رقم العضوية : 575
 تاريخ العضوية : Dec 2003
 العمر : 33
 المكان : ..K..S..A..
 الهوايات : مقابل النت والدجه بالشوارع والمقاهي
 المشاركات : 2,238
 النقاط : MTmaDy MTmaDy MTmaDy MTmaDy MTmaDy MTmaDy MTmaDy MTmaDy MTmaDy MTmaDy MTmaDy

إرسال رسالة عبر مراسل MSN إلى MTmaDy
افتراضي

هههههههههههههههه

مشكوووووره

(الريم)|17 تحيااااتي(العااشق)
;)








  رد مع اقتباس
قديم منذ /13 Feb 2004   #5

ألريم
][:: مواطن نشيط ::][

ألريم غير متصل

 رقم العضوية : 555
 تاريخ العضوية : Nov 2003
 المشاركات : 560
 النقاط : ألريم نشيط ومبدع
 MMS :

افتراضي

العفوووووو اخوي العاااشق ولوووو ...

اختكم الريم








  رد مع اقتباس
قديم منذ /13 Feb 2004   #6

+**+المفتون+**+
[مواطن في قائمة الشرف الفضية]

+**+المفتون+**+ غير متصل

 رقم العضوية : 71
 تاريخ العضوية : Mar 2003
 العمر : 37
 المكان : الرياض __ السعوديه
 الهوايات : الشعر والانترنت
 المشاركات : 5,113
 النقاط : +**+المفتون+**+ نشيط ومبدع

إرسال رسالة عبر مراسل AIM إلى +**+المفتون+**+ إرسال رسالة عبر مراسل MSN إلى +**+المفتون+**+ إرسال رسالة عبر مراسل Yahoo إلى +**+المفتون+**+
افتراضي

[ALIGN=CENTER] ابووووووووووووووووووووووك يالكنداسه


البنت عربجيه تعرف الكنداسه والله مو سهله


ههههههههههههههههههههههه


موضوع جميل الريم ويستاهلون الخكنكر على قولتك




تحياتى


المفتون
[/ALIGN]








التوقيع
انت الزائر رقم

لمشاركاتى ومواضيعى
اقتباس:
  رد مع اقتباس
قديم منذ /13 Feb 2004   #7

ألريم
][:: مواطن نشيط ::][

ألريم غير متصل

 رقم العضوية : 555
 تاريخ العضوية : Nov 2003
 المشاركات : 560
 النقاط : ألريم نشيط ومبدع
 MMS :

افتراضي

ههههههههههه والله مااعرف في الكنداسه الا انها شغله في السياره وبس...

مشكور اخوي المفتون...

اختكم الريم








  رد مع اقتباس
قديم منذ /13 Feb 2004   #8

الجريح
][:: مواطن متألق ::][

الجريح غير متصل

 رقم العضوية : 548
 تاريخ العضوية : Nov 2003
 المكان : الكويت
 الهوايات : القراءه
 المشاركات : 1,444
 النقاط : الجريح نشيط ومبدع

افتراضي

بسم الله الرحمن الرحيم

ههههههههههههههه

اخت الريم يسلموووووا .... يقول >>> حسيت انه خروف ناس على مستوى يوم شفت فروه جاي مخصّر على جسمه ..... حلوووووووة :cool:

الكنداسه >>>>> :confused::confused:
يعطيك العافيه

مع الشكر








التوقيع
[flash=http://al3yesh.jeeran.com/com.swf]WIDTH=478 HEIGHT=290[/flash]

اشكر اخى المبدع ودى بكلمه على التوقيع
  رد مع اقتباس
قديم منذ /18 Feb 2004   #9

ألريم
][:: مواطن نشيط ::][

ألريم غير متصل

 رقم العضوية : 555
 تاريخ العضوية : Nov 2003
 المشاركات : 560
 النقاط : ألريم نشيط ومبدع
 MMS :

افتراضي

هههههههههههههه

اخوي الجريح مشكوووووور على متابعتك لمواضيعي ودعمك لي...

يعطيك الف الف عافيه...

اختك الريم








  رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
حفل زفاف باللون احمر×احمر إζـسآس...™ مدينــــة الصبــــايـــــا " عالم الفتيات " 15 08 Oct 2019 12:07 AM
هل لنا ان نعرف الغول القادم الصين ابراهيم خليل مدينـــة السياحة 6 07 Jul 2008 10:17 PM
احوال الغنم هاذه الأيام هاوي التعذيب مدينــــة الصور 10 24 Dec 2007 03:10 PM
تدرون ليش الغنم يقولون مبااااااااع؟ .......؟؟؟؟؟؟؟؟؟ احساسي يكفيني مدينــــة الصرقــعـة والألغاز 10 20 Oct 2007 05:13 AM
تدرون ليش الغنم يقولون امبااع؟ مروى مدينــــة الصرقــعـة والألغاز 15 15 Aug 2005 04:50 PM



الساعة الآن 08:35 PM.


Powered by vBulletin® Version 3.8.11, Copyright ©2000 - 2022, Jelsoft Enterprises Ltd

ديزاين فور يو لحلول تقنية المعلومات