بسم الله الرحمن الرحيم
مسائكم صباح
اخباركم ابحتي
هنا اليوم بقول لكم سالفه
فيها عبره
لا تتسرعون ترى في العجله الندامه وفي التاني السلامه
دايما هالمثل اقراه في كتاب مدري وشو نسيته بس ايام الابتدائي
اتوقع العلوم في الصفحه الي فيها ثنين لابسين طواقي ورابطين كاسين في خيط ومسوين يكلمون بعض
مره ممن المرات كن جالس على عتبة الباب طفشان طفران كاره ام الدنيا
قلت بشغل نفسي اضيع وقتي
طلعت محفضتي من جيبي وقمت اطلع من الكروت الي فيها والاوراق واقطع
وفي اثناء قيامي بمهمة التنظيف فجاءه وانا ساحب احد الكروت طلعت معه خمسين ريال مصفطه
يووووووه الخمسين ذيك يوم شفتها حست اني ولد الراجحي
ماخليت احد من خوياي مادقيت عليه قلت تبي سلف
المهم قلت ياولد وش اسوي فيها لازم استغلها استغلال سليم يجب ان استفيد منها بحيث انها تبسطني من غير ماصرف منها كثير
قلت اول شي لازم احلق
ياناس حسيت اني الملك عبد الله ذيك الايام من زود البطره
قلت اليوم بحلق في حلاق تركي عادي عشره ريال وش تفرق مايهم معي خمسين
وانا اروح اطلق حلاق تركي وانزل
اول مادخلت المحل والاقي فيه ثنين واحد شكله كذا غبي والثاني لا ولد نعمه رسمي وثقيل
جلست على الكرسي صار الغبي قبالي وولد النعمه على يساري
خذيت مدله وقمت اتفرج في صور البنات ماقريت منها ولا حرف بس اتفرج واقول الله ليت ذي صديقتي لا لا ذي احلى لا والله هذي اجمل
وهكذا شويات دخل علينا الحلاق ويدخل الغبي الي قبالي بقيت انا والرسمي
بعدها بلحظات قال الرسمي
سلام عليكم
ناظرته قلت هلا وعليكم السلام ناظرني ابتسم
كملت تصفحي
قال هو كيف الحال
ناظرته قلت بخير الله يسلمك ناظرني ابتسم
رجعت بنظري للمجله
قال ماعرفتني
قلت في نفسي اهاا شكله عرف ان معي خمسين يبيني احلقه على حسابي والله ليبطي
ناظرته بتعصيبه قلت لا ماعرفتك من تكون طال عمرك
ناظرني هو ابتسم
ويمد يده لذنه اليسار ويطلع السماعه وياشر لي فيها
اثاريه كان يكلم جوال وانا احسبه يكلمني وناقز بحلقه
هههههههههههههههههههههههههههههه
قمت بهدوووووء وافتح الباب واطلع على سيارتي ولا حتى التفت له
وع اقرب حلاق هندي وع البيت سيده
هههههههههههههههههههههههههههههههههههه
ومن ذاك اليوم الى يومكم هذا
مادخلت ولا حلاق تركي وقاطعت الحلاقين كلهم وصرت احلق بالبيت
هههههههههههههههههههه
فنتبهو يا اخوان من الستعجال تراااه يودي في داهيه
تحياتي
كان معكم
عبسي الاطخم 
منذ /14 Dec 2011
الاستعجال مصيبه
المواضيع المتشابهه
العرض العادي
